Léitheoir Scáileáin + Braille
Is féidir úsáid a bhaint as léitheoir scáileáin le téacs ar do ríomhaire a thaispeáint i mBraille. Má tá gléas in-athnuaite Braille agat, is féidir é a nascadh le do ríomhaire agus Braille a léamh in a lán teangacha – Gaeilge agus Béarla san áireamh.
Achoimre
Tá cúpla rogha agat - go léitear an téacs os ard; go léirítear i mBraille amháin é, nó, go dtaispeántar an dá rud ag an am amháin.
Ní gá aon bhogearraí eile a shuiteáil. Tá an bhogearraí Liblouis in aisce mar pháirt de phacáiste NVDA a dheánfaidh téacs a aistriú go Braille agus a mhalairt. Is féidir le NVDA agus Liblouis téacs Gaeilge a thaispeáint i mBraille i nGrád Gaeilge 1 (gan ghiorrúchán) agus i nGrád 2 (giorraithe). Tá eolas faoi Bhraille Gaeilge ar fáil ar shuíomh INBAF.
Treoracha
Ceangail Do Ghléas
- 1.
Cinntigh go bhfuil NVDA ar siúl ar do ríomhaire Windows.
- 2.
Ceangail do ghléas Braille leis an ríomhaire de réir threoracha a sholáthra (de ghnáth, is trí nasc Bluetooth nó cábla USB a dhéantar seo).
Oscail Socruithe NVDA
- 3.
Uair amháin a bheidh an gléas nasctha agat, beidh ort do shocruithe Braille a roghnú in NVDA.
- 4.
Le Roghchlár NVDA a oscailt, brúigh ar an Eochair NVDA agus an Eochair 'N' ag an am amháin.
- 5.
Brúigh ar an saighead síos le dhul chuig Sainroghanna, agus brúigh ar an saighead dheas leis an bhfo-roghchlár Sainroghanna a oscailt.
- 6.
Brúigh ar Socruithe, an chéad mhír ar an roghchlár.
- 7.
Brúigh ar an saighead síos go mbeidh Socruithe Braille bainte amach agat, agus ansin brúigh ar an Eochair Tab le dhul fríd na roghanna uilig do Bhraille.
- 8.
Tá roinnt gléasanna Braille ann ar féidir le NVDA a aimsiú go huathoibríoch.
Roghnaigh Do Chód Braille
- 9.
Munar féidir le NVDA do ghléas a aimsiú go huathoibríoch, is féidir leat do ghléas a nascadh trí chliceáil ar an chnaipe "Athraigh".
- 10.
Má tá méarchlár Braille ar do ghléas agat, is féidir leat an cód Ionchuir Braille a roghnú ón bhosca teaglama a léitear "Tábla Ionchuir".
- 11.
Ón bhosca teaglama "Tábla Aschuir", roghnaigh an cód gur mhaith leat go dtaispeánfar.
Tosaigh ag Léamh
- 12.
Déan do chuid socruithe a shábháil tríd an cnaipe "OK" a bhrú.
An bhfuil tuilleadh cabhrach uait?
Tá tuilleadh eolais ar fáil i Treoirleabhair Úsáideora NVDA. Brúigh ar Eochair NVDA agus an litir n, agus roghnaigh Cabhair ón roghchlár chun an treoirleabhar a thaispeáint. Is féidir leat teagmháil a dhéanamh le foireann ABAIR freisin chun cabhair a fháil.
