Ceisteanna coitianta
Faoi Geabaire
Tá Geabaire ar fáil ar bhrabhsálaí gréasáin, agus tá aipeanna móibíleacha ar na bacáin. Oibríonn an leagan gréasáin ar tháibléad, ar ríomhaire glúine nó ar dheasc, agus níl gá aon ní a shuiteáil.
Is féidir le haon duine úsáid a bhaint as Geabaire. Is féidir le páistí a bhfuil riachtanais chumarsáide acu Geabaire a úsáid, páistí atá uathach agus páistí le pairilis cheirbreach (cerebral palsy) san áireamh. Seans go mbeadh breistacaíocht ag teastáil ó pháistí le Geabaire a úsáid, ag braith ar a riachtanais féin. Is féidir le haon pháiste úsáid a bhaint as Geabaire le tacú leo an Ghaeilge a fhoghlaim.
Ní hea! Tá fáilte roimh aon duine úsáid a bhaint as Geabaire. Baineann páistí atá mar chuid de phobal agus de theaghlach Gaelach tairbhe as córas cumarsáide agus iad i measc Gaeil eile. Má bhaineann paiste úsáid as Geabaire don chumarsáid, tá sé tábhachtach go mbíonn Geabaire in aice láimhe don pháiste i gcónaí: ar scoil, sa bhaile agus i measc an phobail.
Ní gá d'úsáideoirí Gaeilge a bheith ar a dtoil acu chun Geabaire a úsáid. Bíonn tacaíocht ag teastáil ó pháistí le deacrachtaí cumarsáide chun iad féin a chur in iúl. Tacaíonn córas AAC, i dteanga ar bith, le páiste chun dul i mbun cumarsáide. Foghlaimíonn na páistí teanga, focail, gramadach, agus an chaoi chun dul i mbun cumarsáide.
Ba cheart go mbeadh na deiseanna céanna ag úsáideoirí AAC agus a bhíonn ag gach éinne eile chun cumarsáid a dhéanamh, foghlaim, a bheith páirteach ina bpobal agus chun cairdeas a chothú trí Ghaeilge, más cuid dá saol í.
Tá go leor difríochtaí idir Gaeilge agus Béarla: ord na bhfocal in abairtí, an gramadach, nathanna cainte agus na canúintí san áireamh. Mar sin, ní fhéadfaí aistriúchán a dhéanamh ar chóras Béarla. Tá córas ar leith ag teastáil don Ghaeilge atá dílis do struchtúr na teanga.
Is féidir cinnte. Feicfidh tú an rogha sin faoi “socruithe an chláir”
Tá ceithre leagan de Geabaire ann: An Clár Neodrach (an príomhchlár), agus cláir do chanúintí Chonnacht, na Mumhan agus Ulaidh. Tá guthanna ar fáil do na trí mhórchanúint, agus is féidir aon cheann acu a úsáid in An Clár Neodrach. Tá socruithe an chláir, na canúna agus an ghutha le fáil faoi Shocruithe an Chláir.
Tá, is féidir le daoine fásta a úsáideann AAC úsáid a bhaint as Geabaire.
Tá. Faoi láthair, caithfear ceangal idirlín a bheith agat chun Geabaire a úsáid. Táimid ag obair i dtreo leagan a oibríonn gan ceangal idirlíon chomh maith.
Is féidir. Is féidir an clár faoin gcnaipe “Fúmsa” a chur in oiriúint do do shaol agus réimsí spéise féin. Ní féidir na príomhchláir a leasú; cinntíonn sin go bhfuil an córas comhsheasmhach.
Is féidir teagmháil a dhéanamh linn faoi leathanach teagmhála ABAIR má tá spéis agat triail a bhaint as Geabaire, nó má tá fadhbanna teicniúla, aiseolas, nó moltaí agat.
Téigh i dteagmáil linnFaoi AAC
Is ionann AAC agus aon rud a úsáideann daoine chun cumarsáid a dhéanamh in éineacht leis an gcaint, nó in ionad na cainte. Is cineál AAC iad gothaí, cártaí pictiúr, clár clóite, nó aip a labhraíonn amach abairtí an duine, ar nós Geabaire. Seasann AAC do Augmentative and Alternative Communication, nó Cumarsáid Bhreisitheach agus Malartach.
Tuilleadh eolais faoi AACNí chuireann. Tá go leor fianaise ann nach gcuireann AAC bac ar fhorbairt cainte. Léiríonn dhá staidéar go gcuireann úsáid AAC le cumas cainte formhór na n-úsáideoirí (Millar, Light & Schlosser 2006; Schlosser & Wendt 2008). Méadú beag a bhí i staidéar Schlosser & Wendt (2008), ach méadú mar sin féin. Tacaíonn córais AAC le daoine cumarsáid a dhéanamh go héifeachtach, ach ligeann an teanga ó bhéal do dhaoine iad féin a chur in iúl níos tapúla. Bíonn páistí, cosúil linn ar fad, ag iarraidh iad féin a chur in iúl chomh tapa agus is féidir. Is é córas AAC an modh cumarsáide is éifeachtaí do roinnt pháistí; do roinnt eile, is í an chaint an modh cumarsáide is éifeachtaí; agus do roinnt eile, meascán den dá rud.
Níl bun ná barr leis an scéal seo. In ainneoin go soláthraítear ábhar do theachtaireacht go sciobtha leis tuarthéacs ar ghléas sártheicneolaíochta, is sciobtha í an inchinn agus urlabhra ó bhéal. Is mian le páistí cumarsáid éifeachtach a dhéanamh mar aon neach eile. Do roinnt pháistí, is é córas AAC an modh cumarsáide is éifeachtaí; do roinnte eile, is í urlabhra ó bhéal an modh cumarsáide is éifeachtaí; agus do roinnt eile, is é meascán den dá rud an modh cumarsáide is éifeachtaí.
Ní dhéanfaidh. Tá seantuairim choitianta ann nach féidir le páistí ar bheagán cainte a bheith dátheangach, nó go mbeidh rudaí níos deacra dóibh le teanga sa bhreis. Ach níl bunús leis an tuairim sin. Má tá dúshlán ag an bpáiste sa chéad teanga, beidh an dúshlán céanna sa dara teanga, agus seans go mbeadh siad níos moille ná a phiaraí ag foghlaim na teanga. Ach, is féidir leis an bpáiste a bheith dátheangach agus tairbhe a bhaint as buntáistí an dátheangachais. Tá tuilleadh eolais faoi dhátheangachas agus AAC ar an leathanach "Ag Úsáid AAC".
Úsáideann go leor daoine córas AAC in éineacht leis an gcaint. Is féidir córas AAC cur leis an méid cumarsáide a dhéanann páiste, fiú má tá caint acu. Is modh cumarsáide amháin é, tá an chaint, tá gothaí agus tá méar a leagan ar phictiúir ann chomh maith. Is féidir le córas AAC a bheith cabhrach sa chás nach dtuigeann tú (nó daoine eile) rud éigean a dúirt an páiste. Tugann córas AAC tacaíocht do pháistí iad féin a chur in iúl, agus is féidir an lagmhisneach a thagann ar pháistí nuair nach n-éiríonn leo iad féin a chur in iúl a sheachaint le córas AAC.
Is féidir le AAC a bheith ina uirlis an-chabhrach freisin chun cliseadh cumarsáide a chur ina cheart nuair nach dtuigeann comhpháirtithe cumarsáide teachtaireacht pháiste. Is féidir le cliseadh cumarsáide a leanann ar aghaidh gan é a chur ina cheart a bheith an-lagmhisniúil, agus is féidir le AAC a bheith ina uirlis an-éifeachtach chun an lagmhisneach seo a laghdú. D'fhéadfadh do pháiste tairbhe a bhaint as rochtain ar AAC ardteicneolaíochta má bhíonn deacracht acu urlabhra a tháirgeadh atá éasca a thuiscint d'éisteoirí nach bhfuil eolach orthu.
An freagra simplí ná: má tá siad á úsáid chun cumarsáid a dhéanamh, níl ort iad a choinneáil ó bheith ag úsáid an córas AAC. Is féidir le deartháireacha nó deirfiúracha an córas AAC a úsáid chun múnlú a dhéanamh don pháiste a úsáideann an AAC (is é sin, le taispeáint dóibh conas rud a rá). Má bhaineann siad ró-úsáid as, nó má choinníonn siad an córas AAC ón úsáideoir, is féidir é phlé leo ar an gcaoi chéanna is a bpléann tú rudaí eile leo.
